ເຈົ້າແຂວງ ອຸດົມໄຊຜູ້ໃຫມ່ຢືນຢັນວ່າຈະພັດທະນາແຂວງ ອຸດົມໄຊໃຫ້ເຕີບໃຫຍ່ຢ່າງກ້າວກະໂດດຂັ້ນ.

ໃນໂອກາດຂື້ນຮັບຫນ້າທີ່ໃນການຖືກຮັບຮອງເປັນເຈົ້າແຂວງອຸດົມໄຊຢ່າງເປັນທາງການ ຈາກສະມາຊິກສະພາປະຊາຊົນແຂວງ ຕາມການສະເໜີຂອງຄະນະປະຈຳສະພາປະຊາຊົນແຂວງ ໃນກອງປະຊຸມສະໄຫມສາມັນເທື່ອທີ 5 ສະພາປະຊາຊົນແຂວງອຸດົມໄຊຊຸດທີ I ໃນວັນທີ 30 ສິງຫາ ນີ້. ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ເຈົ້າແຂວງອຸດົມໄຊ ກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ການຊີ້ນຳໆພາ ຂອງອົງການປົກຄອງແຂວງ ອຸດົມໄຊ ໄລຍະຜ່ານມາເຊີ່ງໄດ້ເຮັັດໃຫ້ມີຜົນສຳເລັດຫລາຍດ້ານ ເປັນຕົ້ນ ໄດ້ເຮັດໃຫ້ແຂວງມີສະຖຽນລະພາບທາງດ້ານການເມືອງ ສັງຄົມມີຄວາມສະຫງົບແລະເປັນລະບຽບຮຽບຮ້ອຍໂດຍພື້ນຖານ, ເສດຖະກິດມີການຂະຫຍາຍຕົວຢ່າງຕໍ່ເນື່ອງ, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການພັດທະນາ ແລະ ປັບປຸງໃຫ້ດີຂື້ນ, ການພົວພັນຮ່ວມມືກັບຕ່າງປະເທດໄດ້ຮັບການເສີມຂະຫຍາຍກວ້າງຂວາງ. ທັງຫມົດນີ້ຈະເປັນເງື່ອນໄຂໃນການຊີ້ນຳໆພາ ຂອງອົງການປົກຄອງແຂວງ ໃນຕໍ່ຫນ້າ ໃນໂອກາດຮັບຫນ້າທີ່ເປັນເຈົ້າແຂວງ ອຸດົມໄຊ ທ່ານພ້ອມແລ້ວທີ່ຈະເຮັດຫນ້າທີ່ເຈົ້າແຂວງດ້ວຍຄວາມຮັບຜິດຊອບສູງ, ຈະນຳພາອົງຄະນະພັກ, ຄະນະອົງການປົກຄອງແຂວງ ສຸມທຸກຄວາມພະຍາຍາມ ແລະ ເສີມຂະຫຍາຍກຳລັງແຮງສັງລວມຂອງທົ່ວສັງຄົມ ເຊີດຊູຈິດໃຈເອກະລາດ, ຮັກຊາດແພງເຊື້ອ, ເປັນເຈົ້າຕົນເອງ ເພີ່ງຕົນເອງແລະ ສ້າງຄວາມເຂັ້ມແຂງດ້ວຍຕົນເອງ ສົມທົບການຍາດແຍ່ງກາລະໂອກາດແລະເງື່ອນໄຂສະດວກຈາກພາຍນອກ  ຫັນເອົາສິ່ງທ້າທາຍໄປເປັນໂອກາດ ໃນການພັດທະນາແຂວງໃຫ້ເຕີບໃຫຍ່ຢ່າງກ້າວກະໂດດຂັ້ນ, ເຮັດໃຫ້ເສດຖະກິດຂອງແຂວງ ຂະຫຍາຍຕົວແຕ່ 7,7% – 8% ຂື້ນໄປໃນແຕ່ລະປີ […]

ສະພາປະຊາຊົນແຂວງອຸດົມໄຊ ຮັບຮອງທ່ານ ປອ ຄຳພັນ ເຜີຍຍະວົງ ເປັນເຈົ້າແຂວງອຸດົມໄຊ

ເພື່ອຮັບປະກັນໃຫ້ແກ່ການບໍລິຫານ,ຄຸ້ມຄອງແຂວງອຸດົມໄຊມີຄວາມຕໍ່ເນື່ອງ,​ເປັນລະບົບຄົບຊຸດ, ສອດຄ່ອງລັດຖະທຳມະນູນ ແລະ ກົດໝາຍ ແລະ ອີງໃສ່ຄວາມຮຽກຮ້ອງຕ້ອງການຂອງໜ້າທີ່ການເມືອງຂອງອົງການປົກຄອງແຂວງໃນໄລຍະໃໝ່ ແລະ ສະພາບຄວາມເປັນຈິງໃນການພັດທະນາ, ຮັບປະກັນໃຫ້ແກ່ພາລະກິດປົກປັກຮັກສາ ແລະ ສ້າງສາພັດທະນາແຂວງອຸດົມໄຊໃຫ້ບັນລຸຜົນສຳເລັດ ແລະ ອີງຕາມມາດຕາ57ຂອງກົດໝາຍວ່າດ້ວຍສະພາປະຊາຊົນແຂວງ ກ່ຽວກັບສິດ ແລະ ໜ້າທີ່ຂອງກອງປະຊຸມສະພາປະຊາຊົນແຂວງ ແລະ ຜ່ານການຄົ້ນຄວ້າ, ປະກອບຄໍາຄິດຄໍາເຫັນຢ່າງເລິກເຊິ່ງຂອງສະມາຊິກສະພາປະຊາຊົນແຂວງ ຕໍ່ການສະເໜີຂອງຄະນະປະຈຳສະພາແຂວງອຸດົມໄຊ ໃນກອງປະຊຸມກອງປະຊຸມສະໄຫມສາມັນເທື່ອທີ 5 ຂອງສະພາປະຊາຊົນແຂວງອຸດົມໄຊຊຸດທີ1 ທີ່ໄດ້ຈັດຂຶ້ນຢ່າງເປັນທາງການໃນຕອນເຊົ້າວັນທີ 30 ສິງຫານີ້ ຢູ່ທີ່ຫ້ອງປະຊຸມຫ້ອງວ່າການປົກຄອງແຂວງ ໃນກອງປະຊຸມສະມາຊິກສະພາປະຊາຊົນແຂວງໄດ້ພິຈາລະນາ ແລະຮັບຮອງເອົາການແຕ່ງຕັ້ງ ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ຮັກສາການເຈົ້າແຂວງ ເປັນເຈົ້າແຂວງອຸດົມໄຊຢ່າງເປັນທາງການ ຕາມການສະເໜີຂອງຄະນະປະຈຳສະພາປະຊາຊົນແຂວງ ດ້ວຍຄະແນນສຽງເປັນເອກະສັນ. ໂອກາດດັ່ງກ່າວ ທ່ານ ປອ ຄຳພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ  ເຈົ້າແຂວງອຸດົມໄຂ ກໍໄດ້ຂຶ້ນກ່າວຮັບໜ້າທີ່ ແລະສະເໜີນະໂຍບາຍໃນການພັດທະນາແຂວງອຸດົມໄຊຕໍ່ກອງປະຊຸມໃນຄັ້ງນີ້.

ກອງປະຊຸມສະພາປະຊາຊົນແຂວງອຸດົມໄຊຊຸດທີ I ສະໄໝສາມັນເທື່ອທີ 5 ໄຂຂຶ້ນຢ່າງເປັນທາງການ.

ທ່າມກາງ​ບັນຍາກາດ​ທີ່​ທົ່ວ​ພັກ, ທົ່ວ​ກອງ​ກອງທັບ ​ແລະ ທົ່ວ​ປວງ​ຊົນລາວ​ບັນດາ​ເຜົ່າ ພວມ​ອອກ​ແຮງ​ແຂ່ງຂັນ​ກັນ​ສ້າງ​ຂະ​ບວນການ​ຄໍານັບ​ຮັບ​ຕ້ອນ​ວັນ​ສໍາຄັນ​ຂອງ​ຊາດ, ຂອງ​ພັກຢ່າງ​ເປັນ​ບະ​ບວນຟົດ​ຟື້ນ. ​ແຂວງອຸດົມ​ໄຊ​ໄດ້​ເປີດ​ກອງປະຊຸມ ສະໄໝສາມັນເທື່ອທີ 5 ຂອງສະພາປະຊາຊົນແຂວງ ຊຸດທີ I ຂຶ້ນ​ຢ່າງ​ເປັນ​ທາງ​ການ ​ໃນ​ຕອນ​ເຊົ້າ​ວັນ​ທີ່ 30 ສິງຫາ 2018 ທີ່ຫ້ອງປະຊຸມຫ້ອງວ່າການປົກຄອງແຂວງ. ພາຍໃຕ້ການເປັນປະທານຂອງ ທ່ານ ບຸນລອດ ອ່ອນພະຈັນ ຮອງເລຂາພັກແຂວງ, ສະມາຊິກສະພາແຫ່ງຊາດ, ປະທານສະພາປະຊາຊົນແຂວງອຸດົມໄຊ. ເຂົ້າຮ່ວມເປັນກຽດມີ ທ່ານ ປອ ຄໍາພັນ ເຜີຍຍະວົງ ກຳມະການສູນກາງພັກ ເລຂາພັກແຂວງ ຮັກສາການເຈົ້າແຂວງອຸດົມໄຊ, ທ່ານ ສົມພັນ ແພງຄຳມີ ກຳມະການສູນກາງພັກ ຮອງປະທານສະພາແຫ່ງຊາດ. ມີບັນດາທ່ານ ສະມາຊິກສະພາແຫ່ງຊາດ, ສະມາຊິກສະພາປະຊາຊົນແຂວງ, ການນໍາພັກ-ລັດ, ອາດີດການນໍາແຂວງ, ບັນດາພະແນກການ, ເລຂາພັກເມືອງ 7 ເມືອງ, ຜູ້ຕາງໜ້າສະຖາບັນ ແລະ ລັດວິສາຫະກິດ ພາຍໃນແຂວງ ເຂົ້າຮ່ວມ. ກອງປະຊຸມຄັ້ງນີ້ ສະມາຊິກສະພາປະຊາຊົນແຂວງຈະໄດ້ຄົ້ນຄວ້າ, ປະກອບຄຳເຫັນ […]

2 ປີເຄິ່ງ ເສດຖະກິດ ແຂວງ ອຸດົມໄຊ ຂະຫຍາຍຕົວຢ່າງຕໍ່ເນື່ອງ

ໃນຕະຫຼອດໄລຍະ 2 ປີເຄິ່ງ ການຈັດຕັ້ງປະຕິບັດແຜນພັດທະນາເສດຖະກິດ ສັງຄົມສະໄຫມທີ 8 ຂອງແຂວງ ອຸດົມໄຊ ເຫັນວ່າ ມີສະຖຽນລະພາບທາງດ້ານການເມືອງ, ມີຄວາມສະຫງົບ, ເປັນລະບຽບຮຽບຮ້ອຍທາງສັງຄົມຢ່າງໜັກແໜ້ນ, ມີການເຊື່ອມໂຍງ ກັບບັນດາແຂວງ ແລະ ປະເທດໃກ້ຄຽງຫຼາຍຂຶ້ນ,ໄດ້ກາຍເປັນປັດໃຈພື້ນຖານທີ່ອຳນວຍຄວາມສະດວກ ໃຫ້ແກ່ການພັດທະນາເສດ ຖະກິດ ສັງຄົມ, ການດຳເນີນທຸລະກິດ ການລົງທຶນ, ການຜະລິດ, ການບໍລິການ, ຄວາມບຸກບືນສ້າງຜົນງານຂອງ ບັນດາສະມາຊິກ ພັກພະນັກງານ ແລະ ຄວາມກະຕືລືລົ້ນຂອງປະຊາຊົນທຸກຊັ້ນຄົນ ເພື່ອສ້າງຜົນງານຂຳນັບຮັບຕ້ອນວັນບຸນສຳ ຄັນຕ່າງໆ ຂອງຊາດ ຂອງແຂວງ, ລວມທັງສຳເລັດການເປີດປີທ່ອງທ່ຽວລາວໃນຕົ້ນປີ 2018 ແລະ ວັນບຸນສໍາຄັນທາງປະຫວັດສາດ ຂອງຊາດ ເຊິ່ງກາຍ ເປັນທ່າແຮງຊຸກດັນໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ ສັງຄົມ ຂອງແຂວງສຳເລັດຜົນເປັນກ້າວໆມາ. ບັນດາເງື່ອນໄຂທັງຫມົດນັ້ນມັນໄດ້ສົ່ງຜົນເຮັດໃຫ້ເສດຖະກິດຂອງແຂວງເຕີບໂຕຢ່າງຕໍ່ເນື່ອງ ເຊິ່ງສະແດງອອກຄືອັດຕາການ ຂະຫຍາຍຕົວຂອງຕົວເລກລວມຍອດພະລິດຕະພັນພາຍໃນ ຫຼື GDP ເພີ່ມຂຶ້ນ 7,60% ໃນປີ 2017 ຕາມແຜນ5 ປີແມ່ນ 8,5% ໃນນັ້ນ ຂະແໜງກະສິກໍາ […]

6 ເດືອນຕົ້ນປີ ເສດຖະກິດແຂວງອຸດົມໄຊສືບຕໍ່ຂະຫຍາຍຕົວ 6,54%

ຕາມການລາຍງານຂອງທ່ານ ອ່ອນແກ້ວ ອຸ່ນອາລົມ ກຳມະການພັກແຂວງ ຫົວໜ້າພະແນກແຜນການ ແລະ ການລົງທຶນ ແຂວງ ອຸດົມໄຊ ໄດ້ໃຫ້ຮູ້ວ່າ: ໃນໄລຍະ 6 ເດືອນຕົ້ນປີ 2018 ລວມຍອດຜະລິດຕະພັນພາຍໃນຂອງແຂວງ ອຸດົມໄຊ ຍັງສືບຕໍ່ຂະຫຍາຍຕົວ ໃນລະດັບ 6,54% ມູນຄ່າລວມຍອດຜະລິດຕະພັນພາຍໃນ ( GDP ) 3.779 ຕື້ກ່ວາກີບ ຫຼື ເທົ່າກັບ 457,99 ລ້ານໂດລາສະຫາລັດ ສະເລ່ຍໃສ່ຫົວຄົນໄດ້ 1.417 ໂດລາສະຫາລັດ ໃນນັ້ນດ້ານໂຄງປະກອບເສດຖະກິດຂະແໜງ ກະສິກໍາ – ປ່າໄມ້ຂະຫຍາຍຕົວ 8,37%, ຂະແໜງອຸດສາຫະກຳ – ການຄ້າ ຂະຫຍາຍຕົວ 3,08%, ຂະແໜງບໍລິການ ຂະຫຍາຍຕົວ 16,33%, ພາສີອາກອນຜະລິດຕະພັນ ແລະ ຂາເຂົ້າ ຂະຫຍາຍຕົວ 7,92%, ດ້ານເສດຖະກິດປູກເຂົ້ານາແຊງໄດ້ທັງໝົດ 52,5 ເຮັກຕາ ຜົນຜະລິດໄດ້ 237 […]

ເຄິ່ງສະໄໝ ຄະນະບໍລິຫານງານພັກແຂວງ ອຸດົມໄຊ ມີຜົນສຳເລັດຫລາຍດ້ານ

ກອງປະຊຸມຄົບຄະນະບໍລິຫານງານພັກແຂວງ ອຸດົມໄຊ ເປີດກວ້າງເຄີ່ງສະໄຫມທີ VIII ໄດ້ໄຂຂື້ນໃນລະຫວ່າງວັນທີ 21-22 ສິງຫາ 2018 ໂດຍພາຍໄຕ້ການເປັນປະທານ ຂອງທ່ານ ປອ ຄໍາພັນ ເຜີຍຍະວົງ ກໍາມະການສູນກາງພັກ ເລຂາພັກແຂວງ ຮັກສາ ການເຈົ້າແຂວງ ອຸດົມໄຊ ໃນກອງປະຊຸມຄັ້ງນີ້ ທ່ານ ຄຳພຽງ ຢາຈົງວາ ຮອງເລຂາພັກ ແຂວງ ຮອງເຈົ້າແຂວງ ອຸດົມໄຊ ໄດ້ລາຍງານໃຫ້ຮູ້ວ່າ ຄະນະບໍລິຫານງານພັກແຂວງອຸດົມໄຊ ໄດ້ເສີມຂະຫຍາຍຄວາມເປັນເຈົ້າຍົກສູງຄວາມ ສາມັກຄີເປັນເອກະພາບພ້ອມກັນຜັນຂະຫຍາຍຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງສູນກາງພັກ, ມະຕິກອງປະຊຸມໃຫຍ່ຄັ້ງທີ VIII ຂອງຄະນະບໍລິຫານງານພັກແຂວງ ແລະ ແຜນພັດທະນາເສດຖະກິດສັງຄົມ 5 ປີຄັ້ງທີ VIII ຂອງແຂວງ ອຸດົມໄຊ ມີຜົນສຳເລັດຫລາຍດ້ານ ສະແດງອອກດ້ານວຽກງານການເມືອງແນວຄິດ ໄດ້ຖືເປັນກົກສອດຫ້ອຍເຂົ້າໃນທຸກຂົງເຂດວຽກງານ ຕິດພັນກັບການກໍ່ສ້າງພັກ, ກໍ່ສ້າງພະນັກງານ ໂດຍການສຸມໃສ່ໂຄສະນາເຜີຍແຜ່ແນວທາງນະໂຍບາຍຂອງພັກ ກົດໝາຍຂອງລັດ, ບັນດານິຕິກຳ, ລະບຽບການຕ່າງໆນັບແຕ່ຂັ້ນແຂວງລົງຮອດຮາກຖານທ້ອງຖີ່ນຢ່າງຕໍ່ເນື່ອງລຽນຕິດ ອັນໄດ້ເຮັດໃຫ້ຖັນແຖວສະມາຊິກພັກ, ພະນັກງານລັດຖະກອນ, ກຳລັງປະກອບອາວຸດ ແລະ […]