ທ່ານ ຮອງປະທານປະເທດ ເຄື່ອນໄຫວຕິດຕາມສະພາບໄພນ້ຳຖ້ວມຢູ່ແຂວງອຸດົມໄຊ

ວັນທີ 7-8 ສິງຫານີ້ ທ່ານ ປະລິນຍາເອກ ພັນຄຳ ວິພາວັນ ກົມການເມືອງສູນກາງພັກ ຄະນະເລຂາທິການໃຫຍ່ສູນກາງພັກ ຜູ້ປະຈຳການຄະນະເລຂາທິການໃຫຍ່ສູນກາງພັກ ຮອງປະທານປະເທດ ແຫ່ງ ສປປລາວ ພ້ອມດ້ວຍຄະນະໄດ້ລົງເຄື່ອນໄຫວຕິດຕາມສະພາບໄພນ້ຳຖ້ວມຢູ່ ແຂວງອຸດົມໄຊໃນເດືອນ ກໍລະກົດຜ່ານມາ. ໃນການລົງເຄື່ອນໄຫວຕິດຕາມສະພາບໄພນ້ຳຖ້ວມຢູ່ ແຂວງອຸດົມໄຊຄັ້ງນີ້ ກ່ອນອື່ນທ່ານ ໄດ້ລົງພາກສະໜາມເບິ່ງພື້ນທີ່ ທີ່ໄດ້ຮັບຜົນກະທົບຈາກໄພນ້ຳຖ້ວມ ເປັນຕົ້ນແມ່ນເບິ່ງເນື້ອທີ່ນາຂອງປະຊາຊົນ ທີ່ຖຶກນ້ຳເຊາະເຈື່ອນ, ເບິ່ງໂຮງໝໍທີ່ໄດ້ຮັບຜົນກະທົບຈາກນໍ້າຖ້ວມ, ເບິ່ງຂົວ,ເສັ້ນທາງ ແລະ ບ້ານເຮືອນປະຊາຊົນທີ່ໄດ້ຮັບຄວາມເສຍຫາຍຈາກນໍ້າເຊາະເຈື່ອນຢູ່ພາຍໃນເມືອງແບງ, ເມືອງຮຸນ ແລະ ເມືອງປາກແບງ ໂດຍມີ ທ່ານ ຄຳພຽງ ຢາຈົງວາ ຮອງເລຂາພັກແຂວງ ຮອງເຈົ້າແຂວງ ຜູ້ປະຈຳການ ພ້ອມດ້ວຍບັນດາທ່ານ ຮອງລັດຖະມົນຕີທີ່ກ່ຽວຂ້ອງ,ການນຳຂອງແຂວງ ແລະ ເມືອງຮ່ວມເດີນທາງນຳ. ໂອກາດດຽວກັນ ທ່ານ ຮອງປະທານປະເທດ ຍັງໄດ້ຮັບຟັງການລາຍງານສະພາບຜົນເສຍຫາຍຈາກໄພນ້ຳຖ້ວມ ຈາກທ່ານເຈົ້າເມືອງທັງ 3 ເມືອງ.ເຊິ່ງສະພາບນ້ຳຖ້ວມຢູ່ພາຍໃນ 3 ເມືອງດັ່ງກ່າວເຫັນວ່າໄດ້ສ້າງຄວາມເສຍຫາຍຕໍ່ເນື້ອທີ່ທຳການຜະລິດ, ບ້ານເຮືອນ ແລະ ສັດລ້ຽງຂອງພໍ່ແມ່ປະຊາຊົນ ລວມເຖິງພື້ນຖານໂຄ່ງລ່າງຂອງພາກລັດເຊັ່ນ: ຖະໜົນຫົນທາງ, […]

ພະແນກສຶກສາທິການ ແລະ ກຶລາ ແຂວງອຸດົມໄຊ ຈັດກອງປະຊຸມຜູ້ບໍລິຫານການສຶກສາ ທົ່ວແຂວງປະຈຳປີ 2018

ກອງປະຊຸມຜູ້ບໍລິຫານການສຶກສາທົ່ວແຂວງອຸດົມໄຊ ປະຈຳປີ 2018 ໄດ້ຈັດຂຶ້ນໃນຕອນເຊົ້າວັນທີ 8 ສິງຫາ 2018 ທີ່ຫ້ອງປະຊຸມພະແນກສຶກສາທິການ ແລະ ກິລາ ແຂວງອຸດົມໄຊ ໂດຍການເປັນປະທານຂອງທ່ານ ສົມດີ ສີລາທອດ ຫົວໜ້າພະແນກສຶກສາທິການ ແລະ ກິລາແຂວງອຸດົມໄຊ,ມີທ່ານ ສີຊະນະ ບຸບຜາ ຄະນະປະຈຳພັກກະຊວງ ຫົວໜ້າກົມກວດກາປະເມີນຜົນ ແລະ ປະກັນຄຸນນະພາບ ກະຊວງສຶກສາທິການ ແລະ ກິລາ,ມີທ່ານນາງ ສົມຈັນ ຈິດວົງເດືອນ ສະມາຊິກສະພາແຫ່ງຊາດ ຮອງປະທານສະພາປະຊາຊົນ ແຂວງອຸດົມໄຊ,ມີຄະນະພັກອົງການປົກຄອງເມືອງ,ຫົວໜ້າ-ຮອງຫົວໜ້າຫ້ອງການສຶກສາທິການ ແລະ ກິລາເມືອງ 7 ເມືອງ,ມີຫົວໜ້າ-ຮອງຫົວໜ້າພະແນກການອ້ອມຂ້າງແຂວງ, ອຳນວຍການ-ຮອງອຳນວຍການໂຮງຮຽນອ້ອມຂ້າງ, ຄະນະຮັບຜິດຊອບໂຄງການ ແລະ ອົງການທີ່ກ່ຽວຂ້ອງກັບວຽກງານສຶກສາ ແລະ ຂະແໜງການການພາຍໃນພະແນກສຶກສາທິການ ແລະ ກິລາແຂວງອຸດົມໄຊເຂົ້າຮ່ວມ. ກອງປະຊຸມຄັ້ງນີ້ແມ່ນເປັນການສະຫຼຸນຄືນໝາກຜົນຂອງການຈັດຕັ້ງເຄືອນໄຫວວຽກງານສຶກສາທິການ ແລະ ກິລາ ຢູ່ພາຍໃນແຂວງອຸດົມໄຊຕະຫຼອດໄລຍະສົກຮຽນທີ່ຜ່ານມາ ແລະ ທິດທາງແຜນການໃນສົກຮຽນຕໍ່ໄປ ໃນນັ້ນຜູ້ເຂົ້າຮ່ວມແມ່ນໄດ້ຮັບຟັງການການລາຍງານຜົນການຈັດຕັ້ງປະຕິບັດແຜນພັດທະນາການສຶກສາ ປະຈຳສົກ 2017-2018 ແລະ ແຜນສົກຮຽນ 2018-2019,ໄດ້ຮັບຟັງການລາຍງານຄວາມຄືບໜ້າໃນການປະຕິບັດເປົ້າໝາຍການພັດທະນາແບບຍືນຍົງ […]